銀座梅林 (Closed)

原來剩返太古城呢間😮本身好鍾意食香口嘢，天婦羅，日式吉列呢啲都係我鍾意嘅食物。迪士尼staycation完結，返到屋企攰到一個點，所以就喺屋企附近食嘢算。一諗就諗起呢間吉列豬扒，好想食，因為唔會成日食，怕熱氣，見生日就任性一次。我哋叫咗一個梅林二人套餐，一個吉列豬樓白豚肉定食，照慣例白飯同埋菜係任refill。二人餐都好豐富，前菜日式沙律，刺身三款，至於主菜就有吉列大蝦，吉列生蠔，吉列豬扒，吉列豬柳，全部都炸得好鬆脆，我自己就傾向鍾意豬扒多個豬柳。二人餐仲包兩杯飲品。另外個吉列豬扒定食，小朋友都食得好開心，其實我覺得呢間餐廳幾好食，價錢亦都合理，唔知點解只係剩返一間。