Classy Le Carré

Open Now

Now Closed

之前我同老公食過啲味道麻麻嘅意大利菜，所以好少去食其他賣意大利菜嘅餐廳。但係今次同事介紹我嘅意大利菜🇮🇹真係味道好好，好啱我同老公嘅口味。羅勒香草醬通粉：呢度嘅通粉全部都係手工製作，口感好滑好軟，而且冇加工通粉嗰種工業味，配埋入面嘅菲達芝士，口感好豐富，又為香草醬增添咗少少奶香。肉醬意大利粉🍝：意粉嘅口感比較有咬口，因為係闊麵嘅關係，意粉更加容易沾到更多嘅醬汁同芝士，每一啖麵嘅味道更加豐富鮮美，波隆納肉醬嘅香味覆蓋住成盤麵牛油活蜆：呢味菜好有特色，牛油煙肉醬同蜆嘅配搭真係一流，牛油煙肉醬帶住少少奶香，新鮮嘅蜆肉味道好鮮美，多士配住食，好好味😛飲品：叫咗佢哋嘅特調朱古力🍫同埋白咖啡☕️，全部都好正，特調朱古力嘅味道真係好好飲，濃郁得嚟唔會太甜，又冇苦澀味，白咖啡就好香濃，奶味為咖啡增添咗更多香氣。老公好鍾意呢度，話下次仲想帶我嚟試佢哋其他菜式，我都開始期待緊喇。