混亂拉麵 (Closed)

附近有間舖做身份證號碼promo，但係冇得book位，到現場拎完飛都唔知等到幾時，突然細佬講起呢間舖，於是轉移目標過黎個門面我冇影，不過成間舖都好日式feel入到黎要稍為等下位，不過同時都可以剔定野食先第一次黎就試下全部入，每樣都有啲，我就揀左幼麵，另外野菜果啲就正常之後坐埋位落單，等左一陣就食野啦！混亂全部入拉麵 ($95)除左拉麵之外，配料都幾豐富，有粟米粒、芝士粉、紫菜、雞蛋等，個人覺得幼啲果隻麵比較易入口，可以大啖大啖咁食先過癮，特別隻雞蛋係好好味，半熟蛋食落真係有小小似溫泉蛋，個蛋黃係漏出黎架！細佬唔食比埋佢果隻我食 不過呢，因為呢碗冇加倍配料，所以賣相唔係太差，雖然我覺得太亂嘅話一開始係好難食到啲麵，不過今次似乎唔夠切合主題——亂 唯一一樣野係食完我個口乾左成晚...如果下次再食，我會要多啲野菜，另外半熟蛋都推薦加錢要多隻(因為實在太好味啦，平時要加錢嘅我都唔捨得剔)順帶一提，凍水係免費提供，食完有啲口乾都可以飲啖水，同埋要早小小食，因為呢度都幾早收工