江南庭敘 (Closed)

朋友仔有喜，當然要賀一賀佢。有心的朋友一早book定檯，打邊爐開心下。地址位於九龍灣新興的商業區附近，本來對於環境要求不高，一去到即刻心心眼，哇出聲。雖是商業大廈，但樓下大台十分金碧輝煌，酒店一樣。搭lift上到去，又係另一種境象，少一點浮華，多一點柔和的優雅。門前的哥哥非常有禮貌，笑容好好，慢慢帶我地去到預留的座位。坐低感覺依然舒適，檯面竟然係雲石面，估唔到打邊爐竟然帶去酒店食中菜的感覺。終於明白book檯果位朋友的用心，大肚婆確係需要較闊落企理的地方。我地諗緊食咩之際，好笑容哥哥仲即刻捧上醬料比我地DIY。湯底就返大肚婆，選左雙拼：有辣有唔辣。食物方面，碟碟都好靚仔，擺碟的誠意十足。手切肥牛，一碟滿滿的，肥瘦均勻，油花好分明。入口牛肉味好濃郁，無筋易咬開。我地點左牛白肉，係好笑容哥哥推介的，係牛腔內的隔膜，脂油較多，重口味但好正。除左牛肉，其他食物亦各自各精彩，另一樣印象好深的是四寶丸。放丸的碟是特製的，有十二格，四寶丸每款的味道好分明，最鍾意蝦丸有濃濃的蝦味。最驚喜的是，每粒丸下有一小塊蘿蔔墊底，目的係防止痴底。食物高質得黎，擺碟都甘有心思，實在不能不被大廚打動。佢見我地揀唔定，