麵麵店 (Closed)

呢間麵麵店開咗兩個月左右好似係小儀開嘅剛剛開店時，有d人話好細碗\好貴，諗住藝人開嘅食店都係靠名氣，所以新開時無去食過到咗最近星期六，諗唔到食咩，就不如試下啦，發現原來又幾好食喎！原來呢間店用手機掃QR code落單然後可以選個信用卡付款，或者找店員來用八達通俾錢，都幾方便（不過上咗年紀嘅長者好多都唔太識用，當日坐我地隔壁既中年女士，等咗好耐都無野食，發現原來佢點完無付款😅，需要我地教佢再落單）44蚊4餸套餐連飲品D餸同張相見到一樣，份量唔少，味道都幾好，正常野，食得過要特別推介嘅有呢幾樣：撈粗：粗麵調味很好，處理得唔錯 ，上色均衡，加埋自家製菜甫，好味！菜甫：每碗麵都有付送一碗仔菜甫，切到細細粒、辣辣地，倒晒落去撈埋食好惹味！麻辣腩肉：（影相前已經食咗一塊）掂呀！ 個麻辣做得又香又麻，辣得尼唔嗆，配合腩肉，好味，一定要再嗌！總括：坐得舒服味道好食得過P.s.如果套餐選雞翼/牛腩等不用加錢就更好了！