老長沙湘菜館 (Closed)

🌼老長沙湘菜館🌼顧名思義呢度嘅梗係食湘菜啦，湘菜係湖南嘅名菜，烤魚，惹味小炒同精選涼拌一定係呢度嘅招牌菜👍🏻，位於佐敦分店嘅老長沙有兩層高，大部份都係圓枱為主，適合一大班嚟聚餐，估唔到佢哋lunch會有抵食套餐👏🏻，呢款午市木桶套餐就最適合一人食啦，一個人嚟都可以品嚐到呢啲惹味嘅小炒，價錢仲相當實惠添👍🏻🧡肥腸拆骨肉木桶飯 $59 :佢哋午市推出嘅木桶飯更加相當受歡迎，喺度食嘅時候都見唔少嘅外賣，其中就嗌咗呢兩款午餐嚟試吓，話明係木桶飯，梗係要有木桶裝起飯菜啦😆，份量都絕對唔惹少，好似呢款肥腸肉片咁，份量都幾多，一個人食絕對夠飽，肥腸肉片炒到超有鑊氣😍，食落口感豐富，肥腸做到煙靭入味👍🏻，肉片脂肪比例均勻，食落爽口👏🏻，底層除咗白飯之外，另外配咗特製醬汁，整體非常豐富，另外仲配一罐汽水，價錢相當實惠👍🏻🧡酸菜魚飯 $75 :另外呢一款酸菜魚飯都唔錯喎，份量超多，絕對唔孤寒，一大碗酸菜魚配白飯，唔講唔知原來白飯任裝，抵到爛，魚片夠晒鮮嫩😋，份量都多，配料方面梗係有酸菜啦，湯底夠晒濃郁，佢有唔同嘅辣選擇，我就揀咗BB辣，味道一流😋另外佢哋仲有個追加前菜為$10 款，一人份量，我就叫咗🧡開胃