泰昌餅家 (Closed)

放工直達尖沙咀想買少少野，老公又未到就四圍睇下，在天星碼頭見到泰昌餅店，知道佢地既蛋撻很出名，都想試。見到紫色撻覺得有興趣，原來是新出既產品，藍莓撻果味香濃，很creamy,仲有食到藍莓果粒，藍莓果醬微甜果香，撻皮是曲奇皮很香脆，口感不錯。$12 藍莓撻(1件) $18 藍莓撻(2件) $18 藍莓撻+皇牌蛋撻 (各1件)甘我梗係買多少少俾屋企人食埋皇牌蛋撻啦蛋撻真的很香濃蛋味，我愛曲奇皮蛋撻，喜歡牛油香，皮胞餡滑，我爸同老公中意酥皮，中意一層又一層鬆化的感覺。見到老婆餅又幾正，帶返屋企都仲暖,冬瓜蓉加芝麻粒很香甜。