Video
Read full review
2022-05-12
1199 views
李記有無西多關注組成員！話說版主是發自內心地喜愛西多士，周不時會心思思想去茶記自己啪一份。好可惜地，版主新陳代謝較為慢，wfh後仲養成飲水都肥體質 ^ ^ 所以要食西多就要思前又顧後，尋覓真點值得一試嘅先可以出擊，盡量唔好浪費quota上星期六入大埔墟熟食中心搵食，記得有唔少人力推李記西多士，有啲仲講到佢係香港第一！就諗住一試究竟。本身去之前無做功課，去到坐低先知佢地係無花生醬( ̀⌄ ́) 雖然知道最正宗嘅西多士應該係冇花生醬，但係由細到大都識開有餡嘅，一時接受唔到！另外陰差陽錯之下，同行友人竟然叫咗落煉奶 (⊙_⊙)糖漿派嘅我聽到之後差啲尖叫，但係為咗保持儀態，我選擇忍氣吞聲所以…其實本身係抱住”失望”嘅心情，西多士上枱嘅時候簡直可以話係零期待零興奮 ☻ 點知我之後竟然會評佢為近十年食過最好食嘅西多可能因為厚切(應該有吋幾厚)，麵包口感軟綿綿，滲透性超高，所以之後成功索曬啲牛油同煉奶，以至每一啖都味道豐富！同埋估唔到西多同煉奶好襯，真係唔試唔知世界充滿可能性(⁎⁍̴̛ᴗ⁍̴̛⁎)雖然佢哋應該係炸唔係煎？但係完全冇油淰淰！覺得佢啲油應該算新鮮，都知道出面餐廳炸嘢嘅油一定會返用，但係有啲真係食得出
有無西多關注組成員！
話說版主是發自內心地喜愛西多士，周不時會心思思想去茶記自己啪一份。好可惜地，版主新陳代謝較為慢，wfh後仲養成飲水都肥體質 ^ ^ 所以要食西多就要思前又顧後，尋覓真點值得一試嘅先可以出擊，盡量唔好浪費quota
上星期六入大埔墟熟食中心搵食，記得有唔少人力推李記西多士，有啲仲講到佢係香港第一！就諗住一試究竟。本身去之前無做功課，去到坐低先知佢地係無花生醬( ̀⌄ ́) 雖然知道最正宗嘅西多士應該係冇花生醬，但係由細到大都識開有餡嘅，一時接受唔到！另外陰差陽錯之下，同行友人竟然叫咗落煉奶 (⊙_⊙)糖漿派嘅我聽到之後差啲尖叫，但係為咗保持儀態，我選擇忍氣吞聲
所以…其實本身係抱住”失望”嘅心情，西多士上枱嘅時候簡直可以話係零期待零興奮 ☻ 點知我之後竟然會評佢為近十年食過最好食嘅西多
可能因為厚切(應該有吋幾厚)，麵包口感軟綿綿，滲透性超高，所以之後成功索曬啲牛油同煉奶，以至每一啖都味道豐富！同埋估唔到西多同煉奶好襯，真係唔試唔知世界充滿可能性(⁎⁍̴̛ᴗ⁍̴̛⁎)
雖然佢哋應該係炸唔係煎？但係完全冇油淰淰！覺得佢啲油應該算新鮮，都知道出面餐廳炸嘢嘅油一定會返用，但係有啲真係食得出係萬年坑渠油^o^ 記得早一兩年求其入咗一間茶餐廳食tea，食咗人生最難食嘅油臆垃圾西多。係銅鑼灣近灣仔個邊，收我成30幾蚊，我個刻心諗，我去隔離海濱食風都好食過你…
— 我是來分界的 —
總結回頭率100%，overall 90分啦，10分就衰在環境唔太理想，有烏蠅chutchut咁轉又有麻雀亂衝亂撞
Post
