Video
Read full review
2020-10-27
5757 views
喺荃灣南豐紗廠Hea左半日，咁就順便喺嗰度食埋晚餐啦。出去行三樓個平台公園嘅時候，我已經留意到對面有「Honbo」嘅出沒‼️。我之前喺灣仔日街食過Honbo主店，嗰種滋味到而家仍然令人回味🤤，佢係我食過最好食嘅Burger，亦係佢令我試多咗好多Burger店。因此今日喺荃灣見到佢，我就毫無懸念要幫襯。餐廳面積偏細，應該唔多於廿個位🤔，主要係得一排高桌子同一張長枱。抵讚嘅地方係收銀男店員清潔做到足，抹枱抹得好認真乾淨，衛生攞滿分👍。由於唔太肚餓(好少發生)🙈，所以我哋只係要咗兩款漢堡包同一份薯條。芝士漢堡Cheese Burger($88)，餡料包括4oz牛肉漢堡、芝士、酸瓜、洋蔥、生菜同自家醬汁。呢款超Juicy，勁多醬汁！好彩我有用紙巾包住先食，否則應該食到成身都係汁😳。牛肉漢堡肉味濃郁，同灣仔店冇乜分別，Patty方面嚟講，暫時無邊間可以挑戰到佢。招牌漢堡Honbo($88)，其實除咗牛肉漢堡由雙層2oz取代之外，其他料同芝士漢堡完全一樣🤣。招牌厚身啲，因為多咗層漢堡，但每層就無咁大塊。唔知關煮法定食材事，個人感覺有少少乾身，但都無太大影響；而且有酸瓜搭救，味道醒神、咬落多汁🥒。漢堡
喺荃灣南豐紗廠Hea左半日，咁就順便喺嗰度食埋晚餐啦。出去行三樓個平台公園嘅時候，我已經留意到對面有「Honbo」嘅出沒‼️。
我之前喺灣仔日街食過Honbo主店，嗰種滋味到而家仍然令人回味🤤，佢係我食過最好食嘅Burger，亦係佢令我試多咗好多Burger店。因此今日喺荃灣見到佢，我就毫無懸念要幫襯。
餐廳面積偏細，應該唔多於廿個位🤔，主要係得一排高桌子同一張長枱。抵讚嘅地方係收銀男店員清潔做到足，抹枱抹得好認真乾淨，衛生攞滿分👍。
由於唔太肚餓(好少發生)🙈，所以我哋只係要咗兩款漢堡包同一份薯條。
芝士漢堡
$88
78 views
0 likes
0 comments
招牌漢堡
$88
70 views
0 likes
0 comments
炸薯條($25連汽水)，好彩我哋只係加咗一份，因為一份薯條份量都超多，差啲食唔哂！🍟炸薯條係幼身嗰種，粗幼同麥記薯條差唔多，但就好食啲，新鮮炸起夠熱夠脆👍。
飲品得汽水揀🥤，我哋要咗可樂同Sparkling Water，雪櫃夠凍。
睇番餐牌，我留意到荃灣店食物選擇比灣仔店少，特別係啲配菜，以及呢度冇自家製飲品賣，實在有點可惜😖，不過可能廚房細啦。另外，我印象中兩間店嘅價錢定價一樣。
總括嚟講，想食Honbo都唔一定要過港島，做完藝(偽)文青打卡後不妨吔返個漢堡包🍔。
Post
