囍越 (屯門市廣場) (Closed)

大鄉里第一次黎屯門，第一次行屯門市廣場，估唔到咁大咁多野買咁多餐廳。路過呢間囍越既時候真係比佢嚇親，6點半都未到已經人山人海, 要攞票等位。既然咁多人食，一定有佢過人之處既，所以同朋友決定要試一試。睇完餐牌之後覺得價錢都幾合理，於是我地點左以下菜式:小食拼盤 $88拼盤中既香茅牛肉蝦片同春卷最令人印象深刻-蝦片上既牛肉唔會太乾身，配上香脆既蝦片一齊食非常有口感。而春卷炸得十分香脆而唔會覺得油膩，餡料充足扎實。香芒軟殼蟹米紙卷 $68米紙厚度適中，都易咬開。軟殼蟹剛剛炸起好酥脆，厚身有肉。有時好怕芒果會好酸而影響整體既味道，好彩呢度既芒果肉味道香甜，令整件米紙卷味道更突出。椰青 $38椰青炒飯椰青炒飯賣相十分討好，炒飯上佈滿濃郁既椰漿，香滑而唔會太甜。炒飯乾身香口，唯獨配料較少，海鮮份量可以再多D增加口感。芒果糯米飯 $48最後點左個芒果糯米飯，芒果鮮甜，而糯米飯軟硬適中，有咬口，撈埋椰汁一齊食好好味。