媽咪雞蛋仔

Open Now

Now Closed

📍媽咪雞蛋仔上環文咸東街32號地下食完lunch仲係好肚餓，去買一底雞蛋仔同同事兩份share。同事話想食原味，咁啱我未食過原味！順便記錄下～btw 我哋買完勁多人，帶旺咗個場！原味雞蛋仔 $20外面係脆脆地，入面質地似鬆糕，煙煙韌韌👍🏻！但係味道好似有啲單調，同埋覺得有少少甜🥲。我鍾意食雞蛋仔隔離個邊邊，但係媽咪雞蛋仔呢一間係整得太整齊，周圍嗰啲邊邊切走咗好多，其實嗰啲先係精粹🥲。我覺得原味嘅話不如食返北角雞蛋仔😂，脆啲、冇咁甜。但係媽咪雞蛋仔其他口味真係好正，特別係朱古力味係我嘅top 1，佢啲朱古力粒粒半溶咗之後真係好好味👍🏻。