媽咪雞蛋仔

Open Now

Now Closed

有日去上環返學嘅時候，距離上堂只淨返半個鐘左右，但係飯都未食嘅小妹唔可以餓親架嘛⋯⋯😭所以就係到在附近搵下有冇咩小食可以買，不過上環嘅小食店真係好少，🙂唯一比較好啲嘅選擇就係「媽咪雞蛋仔」。未食正餐嘅小妹想食鹹味，之前食過肉鬆白芝麻雞蛋仔，覺得幾好食，所以今次就試下其他—紫菜肉鬆雞蛋仔（$30），雞蛋仔即叫即整，拎上手仲係熱嘅，一向嘅「媽咪雞蛋仔」嘅雞蛋仔都比較飽滿，鬆軟又豐厚嘅口感，嘩，原來紫菜肉鬆雞蛋仔係用一整塊大紫菜夾架！所以每一啖都會食到紫菜，紫菜遇熱更脆身更香口，唯肉鬆唔多，不過都值得一試嘅。美味評分：😋😋😋😋