Jacomax (Closed)

其實喺灣仔銅鑼灣嗰頭食個lunch ,閑閑哋都要100幾十，想食好啲，其實都真係幾高消費，但今日同朋友經過呢間鋪頭，真係令我改觀，百零蚊，竟然可以食到高質pizza，仲要係任食即使價錢唔貴，入到去環境都十分有氣氛，場上全部都係搞鬼壁畫，睇完會忍唔住會心微笑其實佢除咗Pizza之外，仲有好多前菜、意粉同小食，真係好食得過，呢個肉醬意粉，唔係焗嘅，所以會比較乾身，醬汁份量啱啱好，不會太油膩炸薯角同雞翼都十分有水準，不過薯角比較飽肚蒜蓉包夠香脆，牛油夠香，十分不錯呢個德國腸拼盤十分有驚喜，有三款不同種類，各有特色，份量唔會太多，每樣事少少，啱啱好， 德國腸十分有肉味，絕對唔係平價貨我哋兩個人叫咗兩款Pizza ,每個Pizza都有九吋大，一人食一個嘅話其實都已經為皮，非常扺食，我個火腿白菌薄餅，好唔錯，白菌夠香，相對無咁油膩，Pizza餅底薄薄的、脆卜卜，讚啊而我朋友係食肉獸，佢叫咗個暴龍pizza,上面滿佈辣肉腸、火腿同埋其他德國腸，佢表示十分滿意雖然佢都食唔落第二個Pizza ,但佢就叫多咗個凍肉拼盤，上面有齊莎樂美、火腿同埋Parma ham,滿足哂佢喇Pizza放題價錢是不包括飲品的