Video
Read full review
2022-12-20
1012 views
從日本返嚟香港差不多一個月，第一次去食日式燒肉，隨意揀了「Beefar’s 鹿兒島燒肉」。餐廳 logo 以綠色作底色，並襯以一個手拿長叉的牧民；寓意飼養牛隻的綠色大牧場，而長叉正是牧民堆疊牧牛飼料(和桿草)的必要工具 ⋯⋯ 還不是食燒肉？室內裝修有點似貨倉，用了很多木柱分開不同餐枱區。可能樓底唔高，天花用了很多鏡片作裝飾以反射餐枱影像，視覺上拉高了樓底空間。正價餐牌內的多款燒肉一律採用鹿兒島產和牛，其中部份貴價牛肉更選用被評核為A4或A5級的薩摩牛；甚至是霜降級別在BMS 10級以上、並被稱為「4%奇跡の牛」的食材。午市餐牌有三款選擇：盈量級、輕量級及重量級，可以在12款燒肉中自選組合。簡單總括一下；盈量級有6片，輕量級有8片，重量級有12片。計性價比，重量級烤肉午餐最抵食。午飯食量唔高，三個人叫兩份重量級啱啱好。睇價錢已經好懷疑係唔係A4或A5級薩摩牛，餐牌又冇標明甚麼牛肉；見到實物後就肯定只是普通牛肉，不過到底係美國牛抑或澳洲牛？又或者是普通日本國產牛(未有評級)？真係唔知。另外加 $28 將重量級 Level 3 燒肉午餐（$288）升級，除了基本的前菜、茶碗蒸及牛肉湯，細細碗
餐廳 logo 以綠色作底色，並襯以一個手拿長叉的牧民；寓意飼養牛隻的綠色大牧場，而長叉正是牧民堆疊牧牛飼料(和桿草)的必要工具 ⋯⋯ 還不是食燒肉？
室內裝修有點似貨倉，用了很多木柱分開不同餐枱區。可能樓底唔高，天花用了很多鏡片作裝飾以反射餐枱影像，視覺上拉高了樓底空間。
正價餐牌內的多款燒肉一律採用鹿兒島產和牛，其中部份貴價牛肉更選用被評核為A4或A5級的薩摩牛；甚至是霜降級別在BMS 10級以上、並被稱為「4%奇跡の牛」的食材。
午市餐牌有三款選擇：盈量級、輕量級及重量級，可以在12款燒肉中自選組合。簡單總括一下；盈量級有6片，輕量級有8片，重量級有12片。計性價比，重量級烤肉午餐最抵食。午飯食量唔高，三個人叫兩份重量級啱啱好。睇價錢已經好懷疑係唔係A4或A5級薩摩牛，餐牌又冇標明甚麼牛肉；見到實物後就肯定只是普通牛肉，不過到底係美國牛抑或澳洲牛？又或者是普通日本國產牛(未有評級)？真係唔知。
另外加 $28 將重量級 Level 3 燒肉午餐（$288）升級，除了基本的前菜、茶碗蒸及牛肉湯，細細碗白飯換成大大碗溫泉蛋香蔥飯、又多了一大碗沙律及一大粒日式炸和牛肉丸。
茶碗蒸完全唔滑溜、味道又差。所謂牛肉湯更差，同普通味噌湯冇分別，與某些好味道日式燒肉店的牛肉味噌湯比較，高下立判。與其令客人失望，倒不如只標註為味噌湯算吧！
日式炸和牛肉丸可以形容為迷你版和牛漢堡，同樣用免治和牛制成。用油炸方法本可增添香脆表層口感，可惜肉丸已預先炸熟、但又沒有翻熱，入口只是微溫；儘管咬落仍然多汁、調味亦恰好，但始終唔係熱辣辣，味道就差了一大截。
叫了兩份重量級 Level 3 燒肉午餐，共可以揀8款燒肉。盡量揀牛肉，但由於指定要在A、B、C、D 四個分類內各擇一款燒肉，所以揀了霧島黑豚梅肉薄燒及雞腿肉，其他就是不同部位牛肉 / 牛舌。除了雞腿肉之外，其他所有肉類全部沒有用醬油或海鹽調味，可以品嚐到牛肉的原汁原味。
味道令人失望。雞腿肉有很重的急凍肉類臊味；黑豚梅肉薄燒就欠缺脂肪，入口粗嚡。至於牛肉，睇賣相已經肯定並非薩摩牛或者「4%奇跡の牛」，只是普通牛肉；而且表面欠缺光澤，又未完全解凍。味道差勁，咬落全部偏硬、唔鬆軟，肉汁又少，就算是相對較好味的牛腹肉也不成。
餐廳正在做推廣，凡惠顧堂食，即可任食免費雪糕；有朱古力、兩款品牌雲呢拿、抹茶草莓及芝麻，全部都是日本進口牌子。
簡單結論，一句講晒：普通燒肉同真正日本和牛燒肉比較，味道真係差好遠，冇得比，輸幾條街！就算以普通燒肉來講，也及不上其他同價位日式燒肉店，應該唔會再來。
Post
