鼎爺私房菜 (Moved) New Location

最近返返工 返到屋企都晏晏地 有時想食餐無咁頹定又唔想煮一大輪 所以上網搵下有冇咩懶人餐 見到有個叫幸福滋味既網站 賣既懶人餐都幾高質咁 有煮家菜式有湯水仲有滷味 都幾多選擇咁 就叫咗幾pack寧神安睡湯 叫咗份五香滷水牛腱拼火雞腎同古法梅菜扣肉 就咁解凍餸包之後直接加熱十分鐘拆開袋就食得 真係夠曬懶 古法梅菜扣肉既豬肉都幾入味 梅菜既甜味加埋咸菜既鹹香同南乳味 味道幾好 幾啱送飯 五香滷水牛腱拼火雞腎味道唔會太重 火雞腎夠爽口 相對出面食落覺得無咁重味 健康啲 而寧神安睡湯 亦好容易煮一陣就有湯飲 湯水幾甜味道唔錯 係健康既足料靚湯