蜀府川鍋 (Closed)

住油塘既朋友推介一間佢附近食川菜既火鍋店。今晚黎開哩頭，一於黎同佢試下。睇下餐牌先，好多唔同套餐可以揀，有海鮮/蒸氣塔/粥底火鍋，真係唔只得麻辣雞煲咁簡單。價錢好親民，大概每位$200左右就可以食到3/4樣海鮮再加小菜，視乎選咩餐啦。套餐唔啱都仲有好多小菜可以揀，真係通殺。唔怪之得好似好多街坊黎食。真係地頭蟲先搵到哩嗰位。今晚我地都唔太舒服，所以唔想食太辣。見到大蜆粥套餐，仲可以揀象拔蚌/原條東星斑。一於就揀東星斑黎試下，食番多d Omega補番下d骨膠原嘛。大蜆真係好大隻，份量都幾多，粥底好香，似係用高湯整。東星斑一上枱，我地又嘩左出聲，好靚。成條魚薄切再攤開。好靚。好貼心地連魚頭都切開細份， 方便滾粥。 魚肉好滑，好新鮮。 滾幾下見佢捲埋熟咗就食得。炒萵筍 分量多 味道都唔錯綠茶芋泥餅 第一次食 外面芝麻好香 開頭咬第一啖時有種食煎堆嘅感覺 外層綠茶皮 入面係芋泥蓉 ，味道啱啱好，唔會太甜，當飯後甜品一流。