花月居酒屋

Open Now

Now Closed

好耐都未嚟過尖東呢一邊，估唔到尖東多咗好多遊客，開左好多藥房，小食店都不小。但今日就係想同朋友坐低喺度慢慢食吓野，所以就揀咗一間日式嘅居酒屋。唔好以為日式居酒屋要夜晚先至適合食，其實午餐佢亦都有好多唔同嘅選擇，今日又唔算係好肚餓，所以我哋就散叫。先來一個池魚嘅刺身，平時其實好少食池魚，通常就係食三文魚又或者係吞拿魚比較多。今日食左呢個真係另有一番味道，原條的刺身大概有20件，份量大。魚味好濃，肉彈牙，亮點係點豉油加薑，非常夾，比起芥末來得好。豬頸肉串燒，望落好似好瘦咁樣，但係咬落去好軟熟，油脂分泌剛好。鰻魚串燒，用左白鱔，無乜骨。個皮燒得不錯。價錢來講雖然略為貴左d，但係環境寧靜舒適，不錯。