Video
Read full review
2016-09-17
2871 views
如果唔整開電話或者坐紅van，都唔發覺呢條街有一間素食店。﹝如果非佛教徒可能未必接受到我以下介紹的店，因為呢間店長播佛經同貼滿了佛相﹞雖然侍應哥哥未必下下聽到你叫佢，但呢度啲菜絕對抵食，尤其是下午時段的兩菜飯，為起30幾蚊左右。呢個貌似雀巢既係原來係生果沙律，一眼睇落去原來有超過5種生果，絕對唔偷工減料。下面巢的部分係炸脆左的麵，口感一流！Menu 上係叫冬陰公煲的，完全冇辣味、更加唔好話似冬陰公煲，佢完完全全係一個「番茄湯」！但係我一啲都冇失望，因為呢個湯底好清甜，而且我本身又係一個番茄控，所以都建議各位喜愛番茄既朋友仔試下。牛油果蒸猴頭菇─聽也未聽過這種配搭，第一次見到碟菜果陣真係會覺得：「喂大佬，成碟野冇咩色水，得唔得架？」點知一食，咩疑問都冇曬！牛油果同蒸猴頭都切到薄薄一塊，非常軟滑，而且不多加調味、盡顯天然的味道。蒸猴頭的汁液潤澤左牛油果並全部吸收，無驚無險成為全晚焦點所在。女職員好好人咁請左我地食一碗菜飯、成功吸引到我返去幫襯第二次。
如果唔整開電話或者坐紅van，都唔發覺呢條街有一間素食店。
﹝如果非佛教徒可能未必接受到我以下介紹的店，因為呢間店長播佛經同貼滿了佛相﹞
雖然侍應哥哥未必下下聽到你叫佢，但呢度啲菜絕對抵食，尤其是下午時段的兩菜飯，為起30幾蚊左右。
呢個貌似雀巢既係原來係生果沙律，一眼睇落去原來有超過5種生果，絕對唔偷工減料。下面巢的部分係炸脆左的麵，口感一流！
Menu 上係叫冬陰公煲的，完全冇辣味、更加唔好話似冬陰公煲，佢完完全全係一個「番茄湯」！但係我一啲都冇失望，因為呢個湯底好清甜，而且我本身又係一個番茄控，所以都建議各位喜愛番茄既朋友仔試下。
牛油果蒸猴頭菇─聽也未聽過這種配搭，第一次見到碟菜果陣真係會覺得：「喂大佬，成碟野冇咩色水，得唔得架？」點知一食，咩疑問都冇曬！牛油果同蒸猴頭都切到薄薄一塊，非常軟滑，而且不多加調味、盡顯天然的味道。蒸猴頭的汁液潤澤左牛油果並全部吸收，無驚無險成為全晚焦點所在。
女職員好好人咁請左我地食一碗菜飯、成功吸引到我返去幫襯第二次。
Post
