Video
Read full review
2024-03-10
46 views
係香港有好多間台灣菜，每一間都各有特色，今次就去試試屢獲好評嘅「六兩三」😋去到就已經見到有一群外國人喺門口排隊，睇嚟餐廳都好受遊客歡迎👀👨🏼👩🏼餐廳唔算太大，但裝修就好有心思，有個水bar 位可以睇到店員煮食，而且有啲燈籠吊喺度，好似去咗台灣嘅夜市咁有feel🏮麻醬麵 $48 (加糖心蛋$12) 麵條係幼身個隻，唔好見到佢就咁一碗麵好似好寡咁，濃稠嘅麻醬加埋芝麻同青瓜絲撈埋一齊🍜令到成碗麵口感更豐富，冇咁單調，而且麻醬好香，簡簡單單已經好出色，餐廳仲附有「加辣」選項，應該會更惹味😋另外加配嘅糖心蛋好香甜🥚一咬開啲蛋醬係個口入面爆出嚟，成個口俾蛋醬「醬」住嘅感覺好正🤤麻辣鴨血豆腐 $48我個人比較鍾意食鴨血，因為佢冇豬紅咁容易散，更有口感，佢一份小食啲鴨血都幾大舊，連埋芫荽同麻辣汁一齊食，超夾😳不過最令我驚喜嘅唔係鴨血，而係匿埋咗喺下面嘅百頁豆腐，第一次食就已經愛上咗，因為百頁豆腐有好多層一絲絲嘅texture，所以成塊豆腐都完美咁索哂啲麻辣汁，超級滿足😋半筋半肉麵 $98終於嚟到今日嘅重頭戲牛肉麵啦😍因為我鍾意食牛筋，所以就嗌咗半筋半肉，佢啲肉就係牛腱🐮餐廳仲係牆上印咗食麵5 步曲，教
餐廳唔算太大，但裝修就好有心思，有個水bar 位可以睇到店員煮食，而且有啲燈籠吊喺度，好似去咗台灣嘅夜市咁有feel🏮
麻醬麵(加糖心蛋$12)
$48
7 views
0 likes
0 comments
麻醬麵 $48 (加糖心蛋$12)
麵條係幼身個隻，唔好見到佢就咁一碗麵好似好寡咁，濃稠嘅麻醬加埋芝麻同青瓜絲撈埋一齊🍜令到成碗麵口感更豐富，冇咁單調，而且麻醬好香，簡簡單單已經好出色，餐廳仲附有「加辣」選項，應該會更惹味😋另外加配嘅糖心蛋好香甜🥚一咬開啲蛋醬係個口入面爆出嚟，成個口俾蛋醬「醬」住嘅感覺好正🤤
麻辣鴨血豆腐
$48
4 views
0 likes
0 comments
麻辣鴨血豆腐 $48
我個人比較鍾意食鴨血，因為佢冇豬紅咁容易散，更有口感，佢一份小食啲鴨血都幾大舊，連埋芫荽同麻辣汁一齊食，超夾😳不過最令我驚喜嘅唔係鴨血，而係匿埋咗喺下面嘅百頁豆腐，第一次食就已經愛上咗，因為百頁豆腐有好多層一絲絲嘅texture，所以成塊豆腐都完美咁索哂啲麻辣汁，超級滿足😋
半筋半肉麵
$98
3 views
0 likes
0 comments
半筋半肉麵 $98
終於嚟到今日嘅重頭戲牛肉麵啦😍因為我鍾意食牛筋，所以就嗌咗半筋半肉，佢啲肉就係牛腱🐮餐廳仲係牆上印咗食麵5 步曲，教大家點品嚐佢哋嘅招牌牛肉麵，等我跟住嚟試下先🤩
1️⃣將湯底攪勻，然後食一啖麵
平時食開嘅麵條都係幼身嘅，今次我就揀咗粗身啲嘅，食落比較有咬口，好有質感👍🏻
2️⃣飲一啖湯
佢個獨家秘製嘅紅燒湯底係用咗藥材、醬料同鮮果烹煮而成，非常之足料，同埋好原汁原味，第一次食混有藥材嘅牛肉麵，飲完覺得成個人都好舒服，呢個配方冇得彈☺️
3️⃣食一啖肉
佢哋嘅肉全部都係炆煮咗10幾個鐘，牛腱好淋，唔洗點咬已經散開哂，而且好重牛味，牛筋彈牙得嚟又滑嘟嘟，好好食🥹
4️⃣加入「牛骨髓辣油」
試完原汁原味嘅湯底之後，想加辣嘅朋友可以問店員攞啲「牛骨髓辣油」🌶️加入湯底入面等佢溶化，大家可以視乎自己嘅口味睇下要落幾多，落完之後湯底有少少辣味，而牛骨髓先係成隻牛嘅精華所在，所有牛嘅精華都匯聚晒喺湯底入邊，每一啖都好滿足🫶🏻
5️⃣加啲白醋
試過原汁原味，同埋精華嘅湯底，最後尾一步就係加幾滴白醋落去湯底度，啲白醋更加吊起咗牛肉嘅鮮味，一碗麵可以試晒咁多唔同嘅味道，真係好有驚喜🤩
.
嚟完呢度先發現原來食牛肉麵都有步驟，同埋咁講究，為咗以示尊重，我哋食晒啲麵之餘都飲晒碗湯，鍾意食台灣菜嘅你，絕對唔可以錯過呢間餐廳🥰
Post
