Video
Read full review
2017-04-09
1275 views
放假想黎個大夥兒嘅gathering，以前會搵個餐廳食飯，跟住再轉場飲杯野直落。依家我哋反而鍾意係屋企搞聚會，但係如果人多，主人家要準備嘢食嘢飲，的確好辛苦。最慘就係主人家長期喺廚房準備嘢食，我哋呢啲做客人嘅都唔係幾好意思。食完碗碗碟碟又要麻煩人哋工人OT。其實依家有一啲工廠大廈內有好舒適嘅環境同空間食飯，比去餐廳更加free，同埋一玩就玩足一晚，唔需要周圍轉場，亦冇人吹你吃完就走。我講緊嘅就係呢間位於火炭威力工業大廈裏面嘅Steak Workshop超大嘅客嘅空間有沙化、玩具、擺設同枱櫈，入得黎大家只要記住一個概念: 就係當左好似自己嘅地方一樣, 想坐邊、玩咩、食乜雪糕雪條、飲乜汽水熱茶，自己去攞就得啦！好 free 嫁！Open Kitchen 係同大廚交流既好機會。睇到佢一排排非常專業嘅雪櫃同焗爐，真係自嘆不如。好想將佢地帶返屋企slow cook 下。今晚食嘅Menu都非常豪華:香煎黑松露刺身帶子大廚用咗刺身用嘅珍寶帶子，肉厚鮮甜， 直接刺身食已經好好食，再煎香外層加啲黑松露，香味即時提升。雙重享受。龍蝦沙律龍蝦先煮熟後放入雪櫃收水，令肉質更爽脆。最起到畫龍點睛效果嘅，係日本芝
依家我哋反而鍾意係屋企搞聚會，但係如果人多，主人家要準備嘢食嘢飲，的確好辛苦。最慘就係主人家長期喺廚房準備嘢食，我哋呢啲做客人嘅都唔係幾好意思。食完碗碗碟碟又要麻煩人哋工人OT。
其實依家有一啲工廠大廈內有好舒適嘅環境同空間食飯，比去餐廳更加free，同埋一玩就玩足一晚，唔需要周圍轉場，亦冇人吹你吃完就走。
我講緊嘅就係呢間位於火炭威力工業大廈裏面嘅Steak Workshop
超大嘅客嘅空間有沙化、玩具、擺設同枱櫈，入得黎大家只要記住一個概念: 就係當左好似自己嘅地方一樣, 想坐邊、玩咩、食乜雪糕雪條、飲乜汽水熱茶，自己去攞就得啦！好 free 嫁！Open Kitchen 係同大廚交流既好機會。睇到佢一排排非常專業嘅雪櫃同焗爐，真係自嘆不如。好想將佢地帶返屋企slow cook 下。
今晚食嘅Menu都非常豪華:
香煎黑松露刺身帶子
大廚用咗刺身用嘅珍寶帶子，肉厚鮮甜， 直接刺身食已經好好食，再煎香外層加啲黑松露，香味即時提升。雙重享受。
龍蝦沙律龍蝦先煮熟後放入雪櫃收水，令肉質更爽脆。最起到畫龍點睛效果嘅，係日本芝麻沙律醬。
唔知點解呢隻芝麻醬同我哋平時食開既日本餐所用開嘅有啲唔同，芝麻特別香濃。慢煮美國牛小排
為咗食得健康，保留肉嘅原汁原味，時下流行慢煮。牛小排係用咗牛近肋骨嘅位置，肉的脂肪較少彈性較高，用黎慢煮係最佳既選擇。
經過超過1小時嘅慢煮，小牛排仍然保留半成既生熟。第一次見到超過1公斤嘅大牛排，真係好震撼！大家即刻催促大廚快啲落刀切俾我地食！
一切落去，見到粉紅嘅新鮮牛肉滲出肉汁，以前唔知道，以為係血水。原來呢啲先至係肉質嘅精華。千祈唔好倒左去，大廚珍而重之將肉汁精華倒上牛肉面，食嘅係牛嘅原汁原味，連醬汁都係原汁原味。當牛小排切好上枱後，我哋已經急不及待地每人叉左兩舊落碟。
一咬落去，肉汁微滲，嘩，呢塊牛肉真係香嫩無比，食落去肉汁豐富，牛肉味濃！
Medium 既肉身，食落去好似食牛腩肉咁香而諗，而且一啲都唔熱氣，原汁原味，比食牛扒更加滿足。
BBQ 西班牙背排
背排係豬肋骨位置。淡淡嘅芥末加上淺淺嘅蜜糖，呢一個配合非常抵讚！
點解用呢兩個形容詞？因為以前去美式餐廳食呢度菜，一般來講都係加左重蜜糖，燒得非常焦。
而且蜜糖味重，基本上就係食佢嘅調味料，多個食豬肉，完全冇諗過當調味料嘅味道減輕左之後，原來原汁原味嘅豬肉係可以咁好味、咁健康！可以完全食到豬肉嘅原味同滋味。真係食多兩舊都唔驚肥。
法式卡邦尼意粉
意粉方面，大廚問我地鍾意食乜嘢口味，我地要求佢俾個卡邦尼我地。。。。芝士、蛋白、橄欖油，炒香左意粉。一個簡簡單單嘅意粉，食出無限嘅滋味。食完晚餐，我哋就去攞雪糕作為甜品。
再添多杯熱茶，坐出去傾吓計。。。4、5小時話甘快就結束。
以每位 350 嘅價錢消磨一晚，輕鬆又愉快，d 扒又好食，我哋決定下個月再嚟幫襯！
Post
