點煲 (星輝台智星閣)

Open Now

Now Closed

好難得夜晚有人肯一齊食煲仔飯，夜晚飲茶都有，但而家晚餐專登去食煲仔飯就好少啦。今日同朋友係太古既點煲。 黎到門口已有人等位，好彩唔係等好耐。入到黎都幾熱鬧，見到佢個風乾爐，入面吊住咁多雞，就知佢既燒雞應該好講究。坐底就同朋友叫左壺菊花清一清熱先。壺茶好香菊花味。小食就叫左自家製醬油皮蛋。佢個醬又幾香，同皮蛋都幾夾，不過如果有返少少辣會更好。主菜梗係要叫煲仔飯，家鄉梅菜扣肉煲仔飯。梅菜好香，扣肉都夠稔，而且好體貼客人，扣肉都唔太肥。最最正係佢既飯焦，可能係炭燒火路比較均勻，成個煲底都有一層飯焦，唔燶但好脆，好好味。都算幾正宗。仲有更係要試佢既備長炭火燒雞。就係用佢係風爐封乾既雞，所以皮特別薄脆又冇晒肥膏同油，肉質嫩而不肥，夠晒風味。