Video
Read full review
2019-12-13
133 views
食材新鮮就算點樣煮都係咁好食，以海鮮為例，用蒸的方式去烹調海鮮就可以食到食材的原汁原味。今次我同護士朋友M去食蒸氣海鮮，個店名叫緣味小聚，又幾有意思。入到去間餐廳，覺得好在事前有訂位，因為幾乎坐滿了人。如果walk-in入去食，可能要花更長時間等位，所以建議事前訂位會穩陣啲。我地揀左個每位238蚊嘅套餐去食，一開波就有碗蟲草花燉雞湯，飲完唔會有喉嚨乾的感覺，即係無落味精，而且足料，真係好有心機整嘅燉湯。飲完個燉湯，其實同一時間個蒸爐已經開始運作緊，時機一到就可以落海鮮。而呢啲步驟都有店員去做，基本上坐係度等食就得架啦，店員打開蓋放海鮮入去，之後用計時器去SET時間倒數，夠鐘就會過黎拎返啲海鮮出黎，夾比我地食，好正。店員真係好細心，例如鮑魚煮好之後，佢會將內臟同殼分開，剩係夾肉比我地。其實蒸氣海鮮真係食佢地食材之餘，仲要食埋SERVICE，真係無得輸。係呢個套餐入面，我個人特別鍾意龍躉，蟶子同埋終極大佬 - 八寶蒸飯。龍躉無骨又鮮味，蟶子真係大隻鮮甜，時間岩岩好，真係計過度過架。而點解我會叫八寶蒸飯做大佬呢，其實係你食完啲海鮮都有少少飽，之後店員會比張點心紙你去剔返自己想個蒸飯入面有咩材
入到去間餐廳，覺得好在事前有訂位，因為幾乎坐滿了人。如果walk-in入去食，可能要花更長時間等位，所以建議事前訂位會穩陣啲。我地揀左個每位238蚊嘅套餐去食，一開波就有碗蟲草花燉雞湯，飲完唔會有喉嚨乾的感覺，即係無落味精，而且足料，真係好有心機整嘅燉湯。
飲完個燉湯，其實同一時間個蒸爐已經開始運作緊，時機一到就可以落海鮮。而呢啲步驟都有店員去做，基本上坐係度等食就得架啦，店員打開蓋放海鮮入去，之後用計時器去SET時間倒數，夠鐘就會過黎拎返啲海鮮出黎，夾比我地食，好正。店員真係好細心，例如鮑魚煮好之後，佢會將內臟同殼分開，剩係夾肉比我地。其實蒸氣海鮮真係食佢地食材之餘，仲要食埋SERVICE，真係無得輸。
係呢個套餐入面，我個人特別鍾意龍躉，蟶子同埋終極大佬 - 八寶蒸飯。龍躉無骨又鮮味，蟶子真係大隻鮮甜，時間岩岩好，真係計過度過架。而點解我會叫八寶蒸飯做大佬呢，其實係你食完啲海鮮都有少少飽，之後店員會比張點心紙你去剔返自己想個蒸飯入面有咩材料。之後，個飯連食材放入蒸爐度蒸廿分鐘就食得啦。食完真係好飽，好滿足。 臨尾再追加碗冰粉，真係好好食，真係PERFECT ENDING。
Post
