有蒸氣 海鮮石鍋專門店 (Closed)

想食海鮮餐，蒸海鮮就最能夠保持原汁原味，蒸完既海鮮精華仲可以用黎煲粥，超鮮味既海鮮粥，集合左多款海鮮～～呢度食蒸海鮮唔使自己郁手，坐定定等食就得，唔使驚蒸煮過龍，浪費左啲食材～先黎一碗滑溜溜既黑松露蒸蛋，十分嫩滑～再黎松草花蒸鮑魚同蜆仔，鮑魚肉質爽彈！粉絲蒸蟶子有放上蒜蓉去蒸，好入味～蒸花蟹，一開為二，啖啖肉，又鮮，簡單煮法，新鮮既食材真係好重要！蒸魚片肉，加蔥絲薑絲去蒸唔會有腥味！仲有彈牙既墨魚丸同蒸菜，好健康！當然最後唔少得，鮮味十足既粥底，揀左腐竹同雞肉做配料～～