Video
Read full review
2018-07-13
68 views
前幾日同朋友去太子買野，行到好夜，大家都好肚餓。聽朋友介紹話附近有間新開又好唔錯既德國餐廳，所以就諗住擇日不如撞日，一於今日去試下～店鋪既裝潢非常特別，外面放左好多充滿德國風格既擺設，例如木頭車同酒樽。呢間餐廳內部充滿德國風，入面有好多德國啤酒既介紹，仲有德國著名既城堡風景相～喺我地既前方同後方都有售賣啤酒既吧枱，啲啤酒同食物都係喺嗰度送出黎。我地見到吧枱既櫃擺滿左各式各樣既啤酒同其他酒類飲料，好有氣派 🍺🍾而且正值世界盃足球賽，餐廳既喜慶氣氛濃厚 🎉🎊每一張枱上都有一個Paulaner 啤酒桶，同一般德國啤酒店既擺設一樣，別具特色。餐廳設計既餐牌精美簡潔，一張牌係食物，一張牌係飲品～ 食物方面有頭盤、主菜同埋小食，每一道地道既德國菜都非常吸引。至於飲品方面，餐廳提供多款啤酒同埋精選既酒類飲品，包保滿足到大眾既需要。我地入座不久，店員就端上菜前小食，呢碟就係香脆可口既薯片，睇波佐酒一流！⚽️🍻La Trappe $78我地首先點左杯餐廳當晚既特飲— La Trappe。德國啤酒果然好清新，唔似街外嗰啲啤酒咁苦，佢既味道好清香甘醇，飲落唔覺得苦澀。我最後瘋狂地飲左差唔到三份二杯 😋🍺B
店鋪既裝潢非常特別，外面放左好多充滿德國風格既擺設，例如木頭車同酒樽。
呢間餐廳內部充滿德國風，入面有好多德國啤酒既介紹，仲有德國著名既城堡風景相～喺我地既前方同後方都有售賣啤酒既吧枱，啲啤酒同食物都係喺嗰度送出黎。
我地見到吧枱既櫃擺滿左各式各樣既啤酒同其他酒類飲料，好有氣派 🍺🍾而且正值世界盃足球賽，餐廳既喜慶氣氛濃厚 🎉🎊
每一張枱上都有一個Paulaner 啤酒桶，同一般德國啤酒店既擺設一樣，別具特色。
餐廳設計既餐牌精美簡潔，一張牌係食物，一張牌係飲品～ 食物方面有頭盤、主菜同埋小食，每一道地道既德國菜都非常吸引。
至於飲品方面，餐廳提供多款啤酒同埋精選既酒類飲品，包保滿足到大眾既需要。
我地入座不久，店員就端上菜前小食，呢碟就係香脆可口既薯片，睇波佐酒一流！⚽️🍻
La Trappe $78
我地首先點左杯餐廳當晚既特飲— La Trappe。德國啤酒果然好清新，唔似街外嗰啲啤酒咁苦，佢既味道好清香甘醇，飲落唔覺得苦澀。我最後瘋狂地飲左差唔到三份二杯 😋🍺
Bierhof 烤腸拼盆 $168
喺飲緊La Trappe 既途中，烤腸拼盆就隆重登場喇～ 總共有六款不多既品種，有啲係帶點微辣，有啲更重肉既香味，有啲就比較清淡，有啲比較辛辣，所以話實有一款係岩自己口味既 😋
另外，有兩款不同既醬汁俾我地選擇，分別係黃芥末醬同埋帶點微酸既他他醬。
呢款黑色既德國腸係我既最愛，雖然佢唔係走香辣風格，但佢既肉味係最香濃。除左鮮肉香氣外，仲帶點五花腩既油香，令人一試難忘。
原隻招牌德國燒豬手 $268
重點登場😍 超級巨型既德國豬手出現喇！連我朋友都好驚嘆🍖 真係好大隻，影相冇辦法完美呈現佢既巨大 😍 而且未食之前已經聞到烤肉既香味☺️ 餐廳廚師非常貼心，已經幫我地切成一小塊～ 仲為我地提供左三款不同既醬汁，分別係蛋黃醬、黃芥末醬同埋他他醬，任君選擇。
豬手既外皮烘到脆卜卜，皮下有一層薄薄既脂肪，又香又脆😋 豬手肉質鮮美，好香口好嫩滑🍖我同朋友都食得好滋味，慢慢品嚐德國豬手既咸香。
朋友仲話同佢喺德國名店食到既豬手一樣咁正😍 德國豬手配埋德國純啤酒🍺 簡直係完美配搭☺️
Schneider tap x 🍷 $118 喺食巨型豬手既時候，我地已經飲曬 La Trappe，咁好飲實在停唔到口。所以餐廳老闆又為我地推介左 Schneider Tap X 🍻呢種啤酒比La Trappe 更加濃厚，好似有大約12% 既酒精。我覺得係另一種風味，佢既苦澀味重啲，飲落更加香濃醇厚 😋
今晚我同朋友都覺得好滿足好幸福，食左好高質素既德國菜，而且價錢合理～ 服務員態度親切，不斷為我地整理桌面，又為我地推介美酒佳餚，我同朋友都決定要encore，下次帶埋其他朋友一齊黎試☺️
Post
