Hungry Monkey (海之戀商場) (Closed)

到荃灣西附近探朋友，又想食燒烤，就來到Hungry Monkey，開放式廚房，抽氣通風做得不錯，不會成陣油煙味。【頭盤沙律】甜醬油蕃茄，清清地番茄又開胃，而且醬汁酸酸甜甜幾易入口。【蒜子漬】絕對令人上癮，一粒粒爽口又不會太大陣味，蒜頭味道剛剛好，醬汁又不會太濃。【黑松露香草牛油焗雜菌】黑松露味道很突出，而且加了蟲草花，整體味道幾強烈，份量很大其實兩個人吃不下。【北海道魷魚柳】一條一條爽口彈牙，不會燒得過焦，而且醬汁鹹鹹地很吸引，魷魚柳又啖啖肉，加埋洋蔥好香。【龍蝦】成隻龍蝦勁大份，濃厚嘅蟹膏醬塗在面層，好香！龍蝦肉鮮甜多汁，好新鮮惹味，而且面頭仲要用火炙，更加香。而且龍蝦真係好新鮮係喺我哋面前撈出來。【白鱔】外皮香脆，中間魚肉軟腍。【綠帽俠】薄荷檸檬青蘋果七喜，飲落酸酸地，清涼解渴。【17碎半】荔枝加薑啤，都幾清新。