Video
Read full review
2021-09-26
10 views
今日天氣超好，同朋友去荃灣行吓街。行到餓餓哋就揾嘢食。我哋唔想食連鎖店，所以揾吓附近有無啲良心小店去試吓，於是揾到呢間台式餐廳。可能時間尚早，我哋好好彩唔洗排隊，即刻入座。餐廳環境都ok, 少少文青感覺，枱與枱之間尚算有距離，當然唔能夠期望小店可以畀到好闊嘅位，但感覺都唔會太逼。我哋叫咗兩個set share食，一個係芋泥肉鬆吐司拼芝士粟米蛋餅餐，一個係牛肉麵餐，兩個餐配冬瓜茶同加$6配鳳梨手搖茶。牛肉麵食食吓先記得影相，所以無影到。牛肉麵聞落湯底有啲藥材味，但食落藥材味唔太出，湯底偏甜的，牛肉偏靭，肉味欠奉，呢個味道一般。但吐司同蛋餅就有驚喜，賣相超級吸引！芋泥好滑，夾埋肉鬆一齊配吐司食出奇地夾，不過都真係好飽肚，我哋share食都食唔晒。至於蛋餅都好正，芝士有拉絲效果，蛋餅外脆內軟，超級好味！飲品就味道正常，冬瓜茶就甜咗啲。整體服務正常，唔會話好殷勤，但上菜速度都快。下次經過要試埋甜品，好似都好好味🤩
4 views
0 likes
0 comments
3 views
0 likes
0 comments
可能時間尚早，我哋好好彩唔洗排隊，即刻入座。
餐廳環境都ok, 少少文青感覺，枱與枱之間尚算有距離，當然唔能夠期望小店可以畀到好闊嘅位，但感覺都唔會太逼。
我哋叫咗兩個set share食，一個係芋泥肉鬆吐司拼芝士粟米蛋餅餐，一個係牛肉麵餐，兩個餐配冬瓜茶同加$6配鳳梨手搖茶。
牛肉麵食食吓先記得影相，所以無影到。牛肉麵聞落湯底有啲藥材味，但食落藥材味唔太出，湯底偏甜的，牛肉偏靭，肉味欠奉，呢個味道一般。但吐司同蛋餅就有驚喜，賣相超級吸引！芋泥好滑，夾埋肉鬆一齊配吐司食出奇地夾，不過都真係好飽肚，我哋share食都食唔晒。至於蛋餅都好正，芝士有拉絲效果，蛋餅外脆內軟，超級好味！飲品就味道正常，冬瓜茶就甜咗啲。
整體服務正常，唔會話好殷勤，但上菜速度都快。
下次經過要試埋甜品，好似都好好味🤩
Post
