Video
Read full review
2010-02-16
5 views
想去飲茶食點心，唔想去茶樓同人逼，點心名店添好運又一定要有排等，見openrice呢間點心店的口碑唔錯，又未試過，就去呢間飲茶啦。其實呢度地方同其他時興的點心店一樣，店子不大，幸好年假期間，人人不是外遊，就是去了其他高檔些的地方吃飯飲茶，所以去到即刻就有位啦！這間店有兩樣特色係其他人之前在openrice都提及過的。首先，呢度的茶只有四款，分別係「舊普洱」、「鐵觀音」、「五花茶」同「三和茶」。其實「五花茶」唔係涼茶舖的的傳統五花茶，而係其他茶來，「三和茶」就更加唔知佢係乜，剩係知道係三樣嘢加埋做茶，所以叫「三和茶」，話有清熱解毒，寧神潤肺作用喎。，「和」係加的意思。既然咁特別，自己最近耐唔耐又咳到黐肺，就試下啦！不過試落這味茶就真係飲唔出佢係用乜來整啦，係淡淡地，清清地咁，無平時飲開嘅普洱咁濃囉！第二，呢度d茶唔係放喺茶壺俾客人飲下斟下嘅，係問完客人飲咩茶斟左之後，耐不耐有侍應巡視，再問客人係飲咩茶先去添茶嘅。（不過當然，客人飲到無晒，叫佢加茶，甚至轉飲另一種茶都無問題嘅）講到呢度的點心，最有gimmick，最多人講的梗係鮑魚燒賣啦！$24碟點心，兩件燒賣上各有一隻鮑魚仔在上面，平均只
其實呢度地方同其他時興的點心店一樣，店子不大，幸好年假期間，人人不是外遊，就是去了其他高檔些的地方吃飯飲茶，所以去到即刻就有位啦！
這間店有兩樣特色係其他人之前在openrice都提及過的。
首先，呢度的茶只有四款，分別係「舊普洱」、「鐵觀音」、「五花茶」同「三和茶」。其實「五花茶」唔係涼茶舖的的傳統五花茶，而係其他茶來，「三和茶」就更加唔知佢係乜，剩係知道係三樣嘢加埋做茶，所以叫「三和茶」，話有清熱解毒，寧神潤肺作用喎。，「和」係加的意思。既然咁特別，自己最近耐唔耐又咳到黐肺，就試下啦！不過試落這味茶就真係飲唔出佢係用乜來整啦，係淡淡地，清清地咁，無平時飲開嘅普洱咁濃囉！
第二，呢度d茶唔係放喺茶壺俾客人飲下斟下嘅，係問完客人飲咩茶斟左之後，耐不耐有侍應巡視，再問客人係飲咩茶先去添茶嘅。（不過當然，客人飲到無晒，叫佢加茶，甚至轉飲另一種茶都無問題嘅）
講到呢度的點心，最有gimmick，最多人講的梗係鮑魚燒賣啦！$24碟點心，兩件燒賣上各有一隻鮑魚仔在上面，平均只係$11一隻鮑魚燒賣，鮑魚喎，仲係成隻喎，雖然明知只係細細隻的鮑魚仔，梗係多人想試下啦！
咁味道呢？其他點心呢？總括來講，係及格的。有d無乜特別，只係正常貨色，有d就都幾好食，勝在無乜邊樣係整得好差，好難食嘅。詳細的評價就在下面：
鮑魚燒賣：鮑魚預左係細細隻，不過size比想像中大，吃落都有嚼口，而且都有鮑魚的味道。燒賣質素也不錯，肥瘦度適中。
鮑粒叉燒酥：又係鮑魚作賣點，味道都不錯，不過唔夠熱同皮唔夠酥，而且在三件叉燒酥中，只有最後一件吃到有鮑魚碎，其他兩件食不出呢！
牛肉腸粉：味道ok，但腸粉皮厚了些。
蝦餃：都幾大隻，蝦都幾爽，水準不錯！
雞扎：正常發揮，喜歡佢有芋頭吃（個人喜好），但係魚肚同雞都細件左少少。
馬拉糕：做得唔錯，味道恰可。
就係咁樣，滿足左自己在年假期間飲茶的願望啦！
Post
