KC Cafe (Closed)

幫朋友去觀塘一間樓上韓國百貨店攞啲護膚品，原來呢度請咗啲韓國人，所以聽到佢哋韓文對話，我當然唔識聽，攞完後見到有間KC Cafe於店內，睇menu啲食物唔貴，仲可以堂食，見未夠鐘去下一站，咁就點了個韓式紫菜飯($26)同一杯香橙特飲($20)。韓式紫菜飯，我成日好驚食壽司啲飯係熱的，呢度係凍嘅，正合我意，裏面有蟹柳、蛋、芝士等食材，幾好咬口，抵過食碟飯。香橙特飲，夠冰凍，應該係橙汁加梳打水，甜甜的，想添飲.......呢度約有10張枱，環境舒適，聽住韓文歌，飲住凍飲，不過落單要去另一邊收銀處，之後取單到Cafe給店員等取食物，另仲有部蒸餾水機，冷熱水任飲，坐咗一陣，已打完食評了。