力天冰室

Open Now

Now Closed

作為一個土生土長嘅香港人，間唔中去下港式冰室簡直係指定動作。 何文田呢間冰室係用清新嘅藍綠色作為主色，都幾吸睛🤩，入面位置幾多，不過都差唔多坐滿，店員們亦非常忙碌。入到去二話不說，梗係嗌番個常餐先啦🤭。其實除左常餐，仲有好多款中式小菜可以揀，而且價錢都好親民，係真。茶餐廳價格👍。❤3.6牛乳炒蛋拼腸仔， 煉乳丹麥多士炒蛋真係落左好多牛奶，食入口滑嘟嘟，可以直接滑入喉嚨😋。腸仔係用左我最喜歡嘅廚師腸，微微煎過好香口。 丹麥多士比一般茶餐廳多士更加鬆軟酥脆，加埋煉奶真係邪惡又好味呀😜。❤仿鮑魚絲火腿通粉通粉份量都唔少，係比較厚身有嚼勁嘅。上面有非常大量嘅火腿絲同鮑魚絲，幾足料。❤招牌沙茶牛肉麵公仔麵硬度啱啱好，非常掛湯。湯底又夠濃味，牛肉好大塊而且係滑同腍嘅，係味道唔錯嘅一碗招牌牛肉麵。❤凍華田隨餐附送嘅飲品都幾大杯。整體黎講，食物質素唔錯，一個常餐50蚊唔駛，係好抵食嘅🏅。