Video
Read full review
2019-05-21
306 views
星期六簡簡單單咁喺上環食咗一間好舒服好chill嘅餐廳，最大特色係佢用咗備長炭去做每一款串燒，同埋佢個lunch Menu竟然可以食到八點㗎，星期六喎。炭燒天多尼式澳洲121穀飼黑安格斯肉眼$168呢個餐勁抵，原來仲有沙律同埋湯配，作為一個dinner真係無敵既價錢，個湯係白菌忌廉湯，但唔係果種好稠加左好多生粉水既湯，反而更食得出菌類既味道，比較清新，唔覺得膩。肉眼叫左5成熟，比較薄，用左幾種調味料，有籽然同迷迭香既味道，仲有濃濃既炭燒香味。另外個薯條好好食，無overcook，炸到岩岩好，每條薯條個外皮都有d碎碎，炸完之後令薯條更加脆。厚切牛舌串$48牛舌好厚身，用咗備長炭感覺好似冇咁多黑色點點，但有保持到好香嘅炭燒味，有肉味而且好多汁，爽口，一啲都唔韌。燒鱈魚乾$32起初以為好似由魚絲咁，但係原來燒乾晒好似薯片咁，咬落颯颯聲，聞落去好香，送酒一流。日式燒鵝肝拼豆腐干$68鵝肝燒到啱啱好，裏面好嫩滑，入口即溶，上面加咗蔥花同埋蟹子調味，口感同香氣到十足。豆腐乾食落比想像中乾身，唔係好食得出到未，反而有啲似薯片。明太子燒雞翼$42雞翼入面養咗好多明太子，小小鹹小小辣，唔需要額外調味，上
炭燒天多尼式澳洲121穀飼黑安格斯肉眼$168
呢個餐勁抵，原來仲有沙律同埋湯配，作為一個dinner真係無敵既價錢，個湯係白菌忌廉湯，但唔係果種好稠加左好多生粉水既湯，反而更食得出菌類既味道，比較清新，唔覺得膩。肉眼叫左5成熟，比較薄，用左幾種調味料，有籽然同迷迭香既味道，仲有濃濃既炭燒香味。
另外個薯條好好食，無overcook，炸到岩岩好，每條薯條個外皮都有d碎碎，炸完之後令薯條更加脆。
厚切牛舌串$48
牛舌好厚身，用咗備長炭感覺好似冇咁多黑色點點，但有保持到好香嘅炭燒味，有肉味而且好多汁，爽口，一啲都唔韌。
燒鱈魚乾$32
起初以為好似由魚絲咁，但係原來燒乾晒好似薯片咁，咬落颯颯聲，聞落去好香，送酒一流。
日式燒鵝肝拼豆腐干$68
鵝肝燒到啱啱好，裏面好嫩滑，入口即溶，上面加咗蔥花同埋蟹子調味，口感同香氣到十足。豆腐乾食落比想像中乾身，唔係好食得出到未，反而有啲似薯片。
明太子燒雞翼$42
雞翼入面養咗好多明太子，小小鹹小小辣，唔需要額外調味，上面嘅芝士反而唔係好重奶味，唔會搶咗雞翼嘅味道。
煙肉廣島蠔卷串燒$38
原來肉配上蠔會令到個蠔 嘅鮮味更加突出，廣島蠔燒到啱啱好，唔會縮到好細隻，裏面仲係好多汁。
兩個人食咗$500左右，如果淨係嗌呢度嘅午餐做晚餐的話會更加抵。
Post
