Video
Read full review
2022-08-08
147 views
上星期喺荃灣誤打誤撞入咗間唔係咁起眼嘅西餐廳，入到去估唔到竟然有平時少見嘅威靈頓牛柳食🤩 我自己不嬲都好鍾意呢道菜式，竟然呢間小店都有，仲要味道唔錯，就同大家介紹吓啦🤪一坐低，首先奉上一籃餐包，各式各樣嘅歐包配上佢呢度獨有嘅黑松露牛油😗 而當中有隻包好軟熟，搽上溶溶哋嘅牛油食，好味到想encore😋蟹餅係呢度嘅signature，緊係要試吓！蟹餅非常厚身，外層包住脆脆哋麵包糠，切開入面蟹肉超多😳 多嘅程度應該似係用咗成隻蟹去整，真正嘅真材實料！人生食過咁多次意大利粉，第一次聽會用西洋菜作為主要食材放入一個意粉入面🤣 好奇心驅使我哋嗌咗呢隻意粉😗 原來都ok，蒜片同欖油都炒到好香，西洋菜好爽口，唔會有苦味🙌🏻終於到威靈頓牛柳上場啦🥰 店員細心咁幫我哋切開幾份，牛柳好粉嫩，食落軟腍冇根，帶住淡淡嘅黑松露香味，外皮焗得夠酥脆，估唔到小店都有咁高質嘅威靈頓牛柳食😋 最後由甜品心太軟作結，不過上到嚟個流心已經穿咗漏咗啲出嚟🤣 但都唔影響個味道，食落朱古力流心非常幼滑，配埋雲呢拿雪糕，冰火交融，正🤤總括而言，呢間小店都幾值得推介，嘢食質素中高以上，威靈頓牛柳製作複雜，三百零蚊食到性價比認真唔錯😗
餐包
16 views
0 likes
0 comments
V8經典蟹餅沙律
$148
27 views
0 likes
0 comments
蟹餅係呢度嘅signature，緊係要試吓！蟹餅非常厚身，外層包住脆脆哋麵包糠，切開入面蟹肉超多😳 多嘅程度應該似係用咗成隻蟹去整，真正嘅真材實料！
蒜片·欖油·西洋菜配意大利扁麵
$108
21 views
0 likes
0 comments
黑松露威靈頓牛柳
$348
22 views
0 likes
0 comments
心太軟配雲呢拿雪糕
$68
12 views
0 likes
0 comments
總括而言，呢間小店都幾值得推介，嘢食質素中高以上，威靈頓牛柳製作複雜，三百零蚊食到性價比認真唔錯😗 而且店員服務非常貼心，仲會同我哋吹下水，係間感覺充滿人情味嘅西餐廳👍🏻
Post
