Video
Read full review
2019-06-07
705 views
放假總是美好的....可以訓到自然先搵朋友食個late lunch，跟住再行下街買下野，然後肚餓再開餐xppp我地由旺角行到去油麻地，一直行到去佐敦個邊拎蛋糕，之後見肚餓就入左去附近一間裝修“骨子”企理既小菜館到醫肚~~除左有小菜小炒之外，亦有客飯套餐同一啲是日特價既精選菜色我地首先要左兩款小食，“椒鹽墨魚咀”HKd$38同“白灼鵝腸”HKd$38~~前者炸至外脆而不油，墨魚咀爽而不韌：）而鵝腸清洗處理乾淨，點上辣椒鼓油同吃，爽脆而香！兩款小食都做得相當出色跟住再要左兩款小炒同一客“海南雞飯”HKd$38，見到只係加5蚊就可以食雞脾位，咁就梗係轉埋啦兩款小炒都係喺是日特價既菜單上，分别係“黃金大蝦”HKd$88同“鼓椒炒蜆”HKd$58大蝦炸得金黃香脆，加上沙沙咸香既咸蛋黃同鮮味既蝦肉，好食到連蝦殻都可以食埋後者既炒蜆亦好有鑊氣，蜆肉飽滿無砂，唔錯唔錯：)估唔到加埋轉食雞脾位都只係43蚊既海南雞飯會咁有驚喜，雞肉去骨，食落啖啖肉之餘仲好嫩滑，連附送既木瓜雞湯都幾清甜！雞油飯就試得多，見到有鵝油飯，自己又未試過，所以就問下店員姐姐可唔可以轉，店員姐姐好好咁幫我轉左，唔好以為鵝油飯會好油膩
我地由旺角行到去油麻地，一直行到去佐敦個邊拎蛋糕，之後見肚餓就入左去附近一間裝修“骨子”企理既小菜館到醫肚~~
除左有小菜小炒之外，亦有客飯套餐同一啲是日特價既精選菜色
我地首先要左兩款小食，“椒鹽墨魚咀”HKd$38同“白灼鵝腸”HKd$38~~
前者炸至外脆而不油，墨魚咀爽而不韌：）
而鵝腸清洗處理乾淨，點上辣椒鼓油同吃，爽脆而香！
兩款小食都做得相當出色
跟住再要左兩款小炒同一客“海南雞飯”HKd$38，見到只係加5蚊就可以食雞脾位，咁就梗係轉埋啦
兩款小炒都係喺是日特價既菜單上，分别係“黃金大蝦”HKd$88同“鼓椒炒蜆”HKd$58
大蝦炸得金黃香脆，加上沙沙咸香既咸蛋黃同鮮味既蝦肉，好食到連蝦殻都可以食埋
後者既炒蜆亦好有鑊氣，蜆肉飽滿無砂，唔錯唔錯：)
估唔到加埋轉食雞脾位都只係43蚊既海南雞飯會咁有驚喜，雞肉去骨，食落啖啖肉之餘仲好嫩滑，連附送既木瓜雞湯都幾清甜！
雞油飯就試得多，見到有鵝油飯，自己又未試過，所以就問下店員姐姐可唔可以轉，店員姐姐好好咁幫我轉左，唔好以為鵝油飯會好油膩，食落係香而不漏架
最後我地仲要左一份“杏汁花膠湯”HKd$48一齊share 杏汁超濃，花膠份量都唔少，感覺好養顏~~
值得一讚既係呢到既店員都好nice又好客，埋單仲發現係唔浩加一，真係抵食又好食呀
Post
