Video
Read full review
2010-03-04
23 views
元宵佳節，梗係唔會0係屋企，出去高山劇場賞燈先﹗今年0的綵燈比去年靚了很多，也許是星期日關係，遊人如鯽。最慘係0的燈迷難過高考，我地兩個夾手夾腳先答到一兩題，才子佳人之名被毀了﹗行完高山劇場在紅磡左行右行行左成個鐘，三心兩意之下都想唔到食咩好﹗最後行到無哂力，誤打誤撞揀左呢間﹗北海道日本料理，岩岩好有人離場就有得入座，等都唔洗等﹗坐低都唔想睇價錢，累到無哂力，即時要飲番支beer先﹗25蚊支大裝，食日本野價錢差不多了﹗食家貪得意要左個北海道特飲，老早已說呢0的咁既特飲一向都唔方好飲佢又唔信，原來是柚子茶加vodka定清酒，味道勁似藥水，佢飲左一啖就轉行飲我既beer﹗店子細細，人客卻不少，大約十五至二十個座位全滿。芥辣八爪魚壽司，即叫即握，八爪魚粒相當爽脆，微辣夠香口，份量亦多，同食家大讚好食﹗脆心三文魚卷，上層是三文魚刺身，中間夾住脆三文魚皮，外軟內脆，有特色亦有口感﹗海鮮燒餅$20一塊，餅底微脆，餡料軟熟，有蜆仔、墨魚粒、大量香蔥等，加上千島汁及面頭既木魚碎，惹味好食﹗芝士海蝦卷，原隻海蝦加入炸粉炸起再包上飯糰，上面放上芝士再用燒槍燒到微焦，入口芝士味濃亦吃到蝦的香脆，這兒的壽司有
今年0的綵燈比去年靚了很多，也許是星期日關係，遊人如鯽。最慘係0的燈迷難過高考，我地兩個夾手夾腳先答到一兩題，才子佳人之名被毀了﹗
行完高山劇場在紅磡左行右行行左成個鐘，三心兩意之下都想唔到食咩好﹗
最後行到無哂力，誤打誤撞揀左呢間﹗
北海道日本料理，岩岩好有人離場就有得入座，等都唔洗等﹗
坐低都唔想睇價錢，累到無哂力，即時要飲番支beer先﹗
25蚊支大裝，食日本野價錢差不多了﹗
食家貪得意要左個北海道特飲，老早已說呢0的咁既特飲一向都唔方好飲佢又唔信，原來是柚子茶加vodka定清酒，味道勁似藥水，佢飲左一啖就轉行飲我既beer﹗
店子細細，人客卻不少，大約十五至二十個座位全滿。
芥辣八爪魚壽司，即叫即握，八爪魚粒相當爽脆，微辣夠香口，份量亦多，同食家大讚好食﹗
脆心三文魚卷，上層是三文魚刺身，中間夾住脆三文魚皮，外軟內脆，有特色亦有口感﹗
海鮮燒餅$20一塊，餅底微脆，餡料軟熟，有蜆仔、墨魚粒、大量香蔥等，加上千島汁及面頭既木魚碎，惹味好食﹗
芝士海蝦卷，原隻海蝦加入炸粉炸起再包上飯糰，上面放上芝士再用燒槍燒到微焦，入口芝士味濃亦吃到蝦的香脆，這兒的壽司有水準，真不錯﹗
最後試了個北海道撈烏冬。
烏冬入口軟滑，不過個醬味道就怪怪的，是肉碎加蕃茄，微酸亦帶點黑椒味，食家話個賣相有點似嘔吐物。
總結來呢間北海道食野，最好都係叫壽司同埋燒物等，所有有"北海道"三個字出現的食物都係避之則吉為妙﹗北海道特飲同埋北海道烏冬，我地連乃兩次野﹗
埋單百幾蚊吧，因之前0的壽司好食，所以也很滿意﹗
想看更多綵燈相:
http://hk.myblog.yahoo.com/smallsmalllin/article?mid=19396
Post
