台南阿豆仔 (Closed)

去銅鑼灣行完街，唔知食咩好，行過見到有間台灣野，又有人排隊，唔執輸既情況下就去試下。餐廳大大個燈箱，跟足台灣夜市甘，好過癮。由於唔係太肚餓，同朋友都係叫左魯肉飯+皮蛋豆腐+飲品就夠⋯⋯個魯肉飯一上檯，甘少魯肉既！？食落都係好行貨，唔夠入味，滷水汁又唔夠，好淡，肥膏又多，真係無乜肉食；皮蛋豆腐就不過不失，無咩特別；我杯珍珠奶茶呢，d珍珠少到我以為叫左杯淨奶茶，茶亦唔香茶味，天X果杯好飲過佢。台南我未去過，不過我估用呢個價錢係台南一定食到好多餐。