TwoTwo Chicken (Closed)

今晚約朋友去難得的大坑食飯，朋友竟然帶我去？雞！！嘩，原來係新開的Two Two Chicken，裝修好特別，配合到大坑的hea活，門口位置，好有酒吧Feel。香蒜炸雞（半隻），上枱時，大家都O咗嘴，因為平時都係用蒜片，第一次見到用生蒜做的炸雞！！好蒜的我，當然以9妙9速度試，生蒜入口都辣口，殺殺殺晒啲菌。食得蒜嘅人，必試，唔好諗。甜辣炸雞（半隻）甜甜辣辣的醬配上炸雞，好欣賞，雞肉嫩，有肉汁。韓式泡菜炒飯，炒得好入味，最特別係啲飯，用咗非普通的米。想知係乜？快啲嚟試試。