大紅袍火鍋料理 (Closed)

近排天氣悶熱又成日落雨，真係要搵 D 野食清下熱解下暑原來係太子有間火鍋店有個招牌湯底就夠曬養生，岩曬呢 D 天氣食餐廳裝修以中國風設計為主，坐位寬敞，有大量卡位，闊落舒適，仲有獨立房間，一大排朋友上黎打邊爐都無問題另外店員服務殷勤有禮，態度主動好客，值得一讚食物方面 :金屋藏嬌 : 賣相吸睛，最上面放左半隻雞係原片冬瓜上便，再加上花膠、竹笙、蟲草花、什菇、娃娃菜、芫茜，杞子、紅棗等材料，夠曬清熱解暑養顏滋補，首先服務員會比大家慢慢享用花膠冬瓜雞湯先，跟住再加湯打邊爐安格斯牛頸脊 : 厚薄適中，脂肪分佈平均，入口軟淋，牛肉味濃郁，新鮮有咬口鵝肝墨魚丸 : 墨魚丸口感爽滑彈牙，入便係軟滑既鵝肝，手打鵝肝墨魚丸超有驚喜加拿大海膽 : 除左火鍋材料一流連剌身都好新鮮，加拿大海膽夠大粒，味道香濃鮮甜竹蔗茅根 : 天氣悶熱，飲杯清熱潤燥、生津解渴，打邊爐飲返杯就無得頂Ours Tips : 金屋藏嬌每日都限量發售，如果想試就記住打定電話去留左先