Terrace in seaside (新城市廣場一期)

Open Now

Now Closed

新城市廣場開咗Dino Park ，全新遊樂設施，恐龍主題，好靚又好玩。跟住去餐廳，即刻見到有恐龍主題既套餐。餐廳係中庭，比較開揚，坐得幾舒服。恐龍主題餐牌係一隻恐龍蛋，入面有飯卷，飲品，甜品，全部都係有恐龍造型。- 叢林探險飯卷韓式飯卷，傳統口味，食材清新爽口，不過飯既醋味比較重。外層紫菜有一絲一絲既感覺，好似野草，真係有叢林 Feel。- 恐龍地帶提拉米蘇造型好得意，碟上有恐龍腳印，又有恐龍蛋。提拉米蘇口感順滑，咖啡味道濃郁。- ROAR 紅豆抹茶沙冰依個造型最好，有暴龍係飲品上面，好神似。紅豆好好食，配埋抹茶沙冰，整體啱啱好，唔太甜。- 菠菜雞肉千層麵焗得好香，醬汁好Creamy，好多料，每一層都鋪滿曬。食完恐龍餐 (over $200) ，仲可以玩小遊戲，睇下邊個俾恐龍咬，贏咗就有個恐龍蛋。