帝苑餅店

Open Now

Now Closed

平時好少去尖東，但為咗帝苑餅店嘅蛋糕西餅，有時會專登過去。佢嘅芒果拿破崙好出名，但唔係日日有。如果特登想食，最好之前打電話去問。有時當日只有士多啤梨，有時只有雜果。如果啱心意嘅，最好留定去攞，因為好多時候未到黃昏已經賣晒。今次買咗士多啤梨拿破崙、西瓜玫瑰蛋糕、同埋芝麻蝴蝶酥。士多啤梨雖然新鮮，但係始終芒果嘅質感同埋香味襯拿破崙多啲。西瓜玫瑰蛋糕個樣好cute，好有玫瑰香。裏面大部份係mousse，我唔係咁鍾意。芝麻蝴蝶酥多咗啲芝麻香，但係就會略為掩蓋咗原味嘅酥皮香，各有各好。