Angry Oppa Restaurant & Bar (Closed)

放工約埋舊同事出嚟食飯吹水，懷舊一下順片睇下依家市場行情，佢出名就係韓國粉絲，咁一於去尖沙咀韓國街，順便俾佢表演下啲韓文，去咗一間真係 oppa 開的小店。啲名好得意憤怒的oppa, 裝修走韓國簡約風格，呢度最有人氣係韓式熔岩芝士比薩批，一於我哋都食返個先。大醬五花肉熔岩比薩 $198韓式熔岩芝士 切開夠震撼，大約8吋大的比薩批厚度十足，滿滿的芝士餡料，一啖咬落去全部都係芝，感覺非常飽滿。大醬+五花肉這個組合，滋味又惹味，越食就越想食。泡菜豬肉湯鍋 $99我覺得呢個係超值之選，唔使$100，已經有泡菜湯湯底飲，仲要係韓式嘅傳統湯底一人火鍋。一見到賣相已經夠豐富，配料有冬菇、白菜、紅蘿蔔、雜菌、洋蔥同埋大蔥；咁多蔬菜食落去多纖維又健康。另外再追加 牛肉片 $25，分開上。牛肉肥瘦分明，入口柔軟，味道不錯！韓國傳統金便當 $129.9呢個銀碼真係好搞笑，我哋揀咗最傳統嘅口味，金色嘅便當真係有愛心溫暖嘅感覺，好有家庭feel。尤其是鍾意食韓國嘅午餐肉同埋魚仔，再加埋泡菜、紫菜、煎蛋、撈飯一流！韓國飲食文化，可以考慮Angry Oppa 喔！