意粉狂熱 (雅蘭中心)

Open Now

Now Closed

因為今晚約好左食大餐, 所以晏晝就到旺角簡單食加可以去下莎莎補下D日常化妝品。揀左呢間位置非常方便同 OPENRICE 評價不錯的意粉狂熱。餐廳名字叫得意粉狂熱, 意粉應該係佢地既招牌。所以我地都叫左意粉午餐。一個香草烤雞雜菌羅勒意粉, 另一個係溫泉蛋芝士卡邦尼意粉, 我地都揀飲湯 - 忌廉蘑菇湯。鍾意食牛油果既我, 見佢小食有海蝦牛油果法包多士, 所以叫左一份。忌廉蘑菇湯 - 好好飲, 真材實料, 啖啖蘑菇香。香草烤雞雜菌羅勒意粉 - 喜歡食羅勒意粉, 但不常點來吃, 係因為起碼會有一半既機會食到香草葉既嗰陣苦澀味, 唔知究竟係原料既問題定烹調過程出現問題。而意粉狂熱既羅勒意粉就係有呢陣苦味。溫泉蛋芝士卡邦尼意粉 - 卡邦尼意粉係一道成功率好高既菜色。就係芝士同忌廉既味道。但我認為任何事物都要攞個平衡, 烹飪料理也是。意粉狂熱既卡邦尼意粉味道太濃, 個汁煮得過份濃稠。只係食左兩三啖已經有飽滯既感覺, 唔想再食落去。海蝦牛油果法包多士 - 食材和醬料多到滿瀉, 雖然係咁, 但都無浸腍到塊多士, 多士仍然香脆。 雖然餐廳名字叫意粉狂熱，但意粉質素並唔太好反而其他食物有驚喜。