露面手工拌麵料理

今晚放工後，在灣仔見到一間手工拌麵小店，見到有麵食套餐，又有餃子小食，便入座試下。<蕃茄牛腩拌麵套餐 $89>蕃茄牛腩麵味道非常之香濃，每一件嘅牛腩都非常之厚，而且仲好多肉，牛腩嘅份量，令人覺得非常驚喜。佢哋嘅秘製蕃茄醬汁，配埋招牌闊身麵，真係非常好食，值得推薦！！～加$18野生松茸鮮雞湯，雞湯非常足料，有啖啖雞肉喺碗湯入面，入口清甜。小食叫咗麻辣雲耳，麻辣味道非常出眾，入口惹味又好食。<牛骨餃子麵套餐 $88>套餐配有牛骨拉麵，拉麵用上幼身麵底，麵質非常幼滑，牛骨湯底配有幾塊白蘿蔔，湯底清甜，而牛骨嘅肉亦都夠淋身，好味!白菜豬肉餃隻隻都非常晶瑩，饀多皮薄，隻隻都包得脹卜卜。呢個套餐仲包埋一碗熱辣辣嘅燉蛋，作為甜品，入口又滑又嫩，非常好食。另外加$16叫咗杯白桃烏龍牛乳茶，帶有白桃味嘅奶茶入口清新微甜，非常特別。整體來講，餐廳嘅食物質素非常之好，而且價格唔算貴，麵條同餃子嘅質素亦都非常好，值得推薦。