牛極 (樂聲大廈)

Open Now

Now Closed

今日想快快手手食個簡單午餐，又一支公係銅鑼灣怡和街附近，就黎呢間牛極食塊扒。牛柳 $110叫左一塊牛柳。上枱既時候牛柳外面就熟左，入面就未熟，自己切細再係塊熱石板上加熱到自己鍾意既生熟程度就可以食。牛柳肉質唔肥，又好淋，唔錯唔錯。需要其他調味料就自己攞。一如以往，同其他牛極分店一樣，沙律，湯同白飯係任飲任食，係自助既。餐具同水都係自助。沙律主要係生菜，車厘茄，同粟米粒，沙律醬有柚子醬同芝麻醬揀。湯係日式牛肉湯。白飯任裝。