Video
Read full review
2014-03-06
424 views
記得農曆新年前 IFC 商場2樓有間新o既麥當勞分店正在裝修,琴日放工經過商場,當時又未夠鐘返屋企食晚飯,諗住去麥當勞食o的野輕鬆下,由地鐵站上去商場2樓途中,就見到原本1樓o既分店已經結業,木板有告示通知客人餐廳已經搬到樓上去到2樓o既新分店,發覺店舖面積相對1樓o既舊舖細好多 ,雖然新店都附設 McCafe 賣咖啡蛋糕,不過全店座位少過30個,而且大家坐得比較迫,當時大約 6:30pm 係黃昏放工繁忙時間,見到店內差不多坐滿食客,難得見到一,兩個空位,為左體驗新店用餐o既經驗,即刻去買杯雪糕 抬頭一望,呢間分店唔用傳統o既天花板轉軸式餐牌,另外,佢地o既叫餐形式比較特別,顧客先到右面o既收銀處點餐及俾錢,然後拎住收據,到左面o既取餐區等候,每張收據上面都印左號碼,大家睇住兩個螢光幕顯示o既號碼取餐,呢種模式o係其他麥當勞比較少見見到頭頂o既餐牌只有顯示多款套餐,店員都算態度有禮,問過店員原來呢間分店都有得賣超值選雪糕新地,於是買左一杯士多啤梨新地,俾錢後就到取餐區等候,唔洗兩分鐘就見到我張收據顯示o既號碼,於是上前向職員拎杯雪糕 呢間分店o既裝修與別不同,一邊牆身用黃色,藍色
記得農曆新年前 IFC 商場2樓有間新o既麥當勞分店正在裝修,琴日放工經過商場,當時又未夠鐘返屋企食晚飯,諗住去麥當勞食o的野輕鬆下,由地鐵站上去商場2樓途中,就見到原本1樓o既分店已經結業,木板有告示通知客人餐廳已經搬到樓上
去到2樓o既新分店,發覺店舖面積相對1樓o既舊舖細好多 ,雖然新店都附設 McCafe 賣咖啡蛋糕,不過全店座位少過30個,而且大家坐得比較迫,當時大約 6:30pm 係黃昏放工繁忙時間,見到店內差不多坐滿食客,難得見到一,兩個空位,為左體驗新店用餐o既經驗,即刻去買杯雪糕
抬頭一望,呢間分店唔用傳統o既天花板轉軸式餐牌,另外,佢地o既叫餐形式比較特別,顧客先到右面o既收銀處點餐及俾錢,然後拎住收據,到左面o既取餐區等候,每張收據上面都印左號碼,大家睇住兩個螢光幕顯示o既號碼取餐,呢種模式o係其他麥當勞比較少見見到頭頂o既餐牌只有顯示多款套餐,店員都算態度有禮,問過店員原來呢間分店都有得賣超值選雪糕新地,於是買左一杯士多啤梨新地,俾錢後就到取餐區等候,唔洗兩分鐘就見到我張收據顯示o既號碼,於是上前向職員拎杯雪糕
呢間分店o既裝修與別不同,一邊牆身用黃色,藍色及白色o既圖案,木凳係高腳,所以坐得唔舒服
除左有兩張六人長檯,靠牆又有面向牆壁座位,更特別係有六格好似自修室o既座位間隔
每格檯凳唔算闊,張檯有個特別o既設計,有一個小層架,或者方便大家放電話或飲品,我諗唔到仲有乜野用途,總之你歡喜點用都得
呢杯士多啤梨雪糕新地,選用呍呢拿雪糕,雪糕上面淋左士多啤梨醬,再灑上唔少花生碎,雪糕味道香濃及順滑,無論醬汁及花生碎o既份量都適中,士多啤梨醬大約有五片士多啤梨,醬汁唔算好甜 發覺原來呢間分店唔用餐盤 ,佢地假設全部客人都係黎買外賣,將每位客人落單o既食物放入紙袋,如果客人選擇堂食,就o係紙袋拎返o的食物出黎食,咁樣做真係唔太環保
店內有一位職員負責樓面清潔,由於座位少過30個,每當有客人食完離開座位,店員就會立刻清理檯面o既包裝盒及飲品杯,不過通道較窄,店員未必可以行到座位前面用抹布清潔檯面,我見到我張檯有一兩條生菜絲
中環區分店o既食品飲品價錢係會貴o的,不過呢杯士多啤梨雪糕新地係超值選,話到明係要俾客人一份超值o既感覺 ,所以o係甲級寫字樓商場分店一樣都係$6杯
由於店舖座位坐得唔舒服,每張檯凳之間又比較擠迫,食客出入座位都可能需要請其他人讓路 ,除非本人需要買外賣,否則日後都唔會黎呢間分店堂食,因為區內仲有好多間分店可供選擇,交易廣場對面o個間地面連地庫o既干諾道中麥當勞,環境及座位一定好過呢間分店 曾經坊間有個傳說,如果女友肯陪食麥當勞就等於娶得過 ,其實一般麥當勞分店環境裝修唔錯,又有二人卡位,坐得舒服,部份分店仲有梳化坐位添,我反而覺得,若果有女仔肯同埋男仔黎呢間麥當勞開餐,面對狹窄o既通道及擠迫座位設計都冇怨言,咁就保證娶得過呀!
Other Info. :
相比起其他同類型快餐店,近年麥當勞分店數目仍然不斷增加,但總有不敵租金加幅而結業,呢間2樓新店就係因為1樓太貴租需要搬遷,由於商埸1樓連接多條行人天橋,人流極旺,相信租金會高過樓上店舖好多,近期見到1樓麥當勞舊舖隔離o既數碼通竟然每日早上8點開門營業,唔通真係需要方便客人早開門? 我諗都係因為要交昂貴租金,所以寧願早o的開門,希望可以做多幾單生意
另外,返工時間早上八點經過灣仔電車路,見到藥房已經開門,呢個現象真係幾奇怪,洗唔洗咁早開呀? 相信都係因為自由行令到舖租貴,要早o的開門做生意
(The above review is the personal opinion of a user which does not represent OpenRice's point of view.)
Post
