燈籠滷味 (登龍街) (Closed)

去登龍街食乜？食「燈籠滷味」，呢間來自台北師大夜市嘅過江龍，估唔到咁啱大家都係「登/燈」「龍/籠」，開係呢條街真係啱晒，早排仲開多咗分店，我就嚟返第一間分店銅鑼灣試吓。環境次次經過登龍街都見到呢度排晒長龍，決心一定要來試試，適逢係週末下午，人龍不絕，入到店舖原來裝修好有心思，貼滿好多懷舊嘅台灣明星海報，打卡一流，店舖亦都唔細，仲有2樓添。餐牌本身上網睇過餐牌，想嗌二人餐，但入到餐廳冇留意到原來二人餐餐牌貼咗喺場上面，就叫咗散嗌。自選麵揀左王子麵($12)加底(+$4)，配料要左豬耳朵($12)、雞腎($10)、雞翅膀($10)、鴨血($10)及貢丸($10)。因為係兩個人食，所以家底，家底後share食就啱啱好，王子麵有少少似公仔麵咁，再幼身啲，更加掛汁，滷味咸度適中，豬耳朵爽口又彈牙，做配料一流。蘋果鹽酥雞 $38鹽酥雞細細粒，炸粉略厚，但配蘋果配搭清新，食完再食一片蘋果可以降低熱氣感。綜合芋圓 $28食台灣嘢點少得芋圓，細細碗唔會太飽，鍾意佢冇落太多糖，口味較清新。桂圓紅棗蜜 $22必點！尤其呢排天氣凍返，食嘢配杯熱飲一流，桂圓味好出，又可以揀甜度，啱晒女士飲。紅茶豆漿$22揀左無