貴族蛋糕

Open Now

Now Closed

好耐之前去開花墟買花順便去呢間買芝士蛋糕不過賣曬，於是就買咗店員推介嘅菠蘿蛋糕同曲奇餅，結果確係唔錯👍🏻👍🏻🍍菠蘿蛋糕 $7蛋糕質感鬆軟，富牛油香，配上酸酸甜甜嘅菠蘿片，簡單又好味🤤因為買五送一非常抵食嘅關係，所以嗰排都食咗好多個菠蘿蛋糕，但係正嘅，有機會就試埋佢個鳳梨酥先🤗🍪曲奇 半磅 兩款口味 $58其實我去嗰陣時係賣緊$55，但我見到網上圖片都顯示已經加到$58😂但我都幾鍾意喺呢啲中式餅店買曲奇餅食，抵食之餘款式又多，例如咖啡合桃、黑白芝麻夏威夷果仁、蜜糖海鹽燕麥、檸檬蜜糖綠茶味等等😉而且曲奇嘅牛油味特別香濃同香脆，加埋啲人情味，幫呢啲老店好過幫大財團啦