湯•米 (Changed Hand) New Restaurant

呢間野見評價好似唔錯，裝修又幾靚，都想試好耐下。但估唔到會咁失望。1. 泰式海鮮鍋睇佢個樣好似好豐富咁，諗住一定冇伏啦。點知，青口爛嘅，蝦肉就霉嘅，蜆就好啲普普通通咁。每樣海鮮得兩件都算，全部都霉霉爛爛咁，算係點？🤷🏻‍♀️然後，佢嘅豐富都係堆砌出嚟，除左眼見嘅料之外，個底全部都係菜。唯一好嘅就係個湯底，都幾香椰汁味，辣度亦都夠。2. 沙茶牛肉鍋呢個都係一樣啦，大部份都係菜。而牛肉都冇乜肉味咁。但湯底就幾濃郁，還好啦。呢間野食物已經一般，服務仲要差。入到去冇人帶位算，落單啲阿姐又俾面色你睇。叫完野食佢地唔識用個落單系統，粒聲唔出就行開咗。隔離個枱仲慘，漏咗單，啲阿姐仲要用差嘅語氣再同佢落過。而環境方面，張枱實咗太細喇！我地個陣仲叫咗個鹽酥雞，火鍋嚟到根本冇位再擺，唯有好狼狽咁食哂佢。俾成舊水食菜，服務又差，真係不如食吉邊啦。