鮨亭 (Closed)

環境、食物都好好環境好舒服，夠乾淨企理，裝修亦唔錯，簡單得嚟又不失雅致，可謂恰到好處。另外，見到師傅做嘢都好快手同衛生。明太子沙律夠fresh，開胃一流。壽司夠鮮味，黑松露鵝肝卷值得一讚，黑松露味道突出，但又唔會搶咗鵝肝嘅味道，鵝肝亦夠juicy；海膽三文魚卷亦都係好好嘅配搭，點埋少少wasabi同鼓油就fit哂。串燒好出色，熱辣辣，非常新鮮。雞軟骨同豚肉味道恰到好處，唔會太咸，加埋檸檬汁就啱啱好。雞泡魚乾味道濃郁，用嚟送啤酒一流！尤其依家疫情去唔到日本旅行，嚟呢間居酒屋就好似置身於日本當地一樣，為人帶嚟莫名感動，令我情不自禁大喝一句：O E C！！唯一可挑剔就係某啲菜式嘅價錢略貴，但整體係合理，而且質素對得住價錢。