唯港薈Silverbox 宴會廳

老師結婚請左我地去飲，佢地淨係設LUNCH BUFFET，而唔係DINNER。我地一去到已經覺得地方好靚，最重要係好寬，正方形既宴會廳，就算係坐最遠果台都唔會令人覺得比人忽略左咁。BUFFET一開始就好多人去攞野食，不過好彩分左三邊BAR放野食，分散左人流，都唔係好長條隊。野食方面就真係無得彈啦，佢都有好多種類，西色中色都有，個蟹湯好好飲，鮮甜，而且佢比左CREAM你自己加，好滑。不過D DESSERT就爭咁左少少，可能因為好多都有酒，而我又唔係幾好酒，所以唔係太鐘意，不過都睇得出佢地好有心思，有好多新口味，例如桂花配酒等等，如果你係鐘意清新既甜品，呢邊就可能岩你，因為全部都唔算好甜。而都幾中意既就係佢地既前菜有煙三文魚，平時出面果D都會好咸，但係呢度整到岩岩好D栗米都好甜。