栢檔極品海南雞飯

Open Now

Now Closed

我其實食過呢一間淘大分店2，3次。今次食160蚊2人餐。呢個價錢係中價，唔算超抵食。我叫左海南雞，元蹄，餐入面包油菜，兩碗白飯或油飯，飲品或湯。每人都有3小碟（連住）豉油、醋、薑蔥油。我係好唔鍾意食骨嘅人，特別係雞骨，因為好易咬崩啲牙。平時都唔多食雞的我，今次都食左3，4舊。唔好以為佢唔吸引所以我食咁少😂我只係冇特別大愛“雞”呢樣食物。我通常唔連皮食，睇落食落似白切雞。真係真係冇骨！*除非唔小心有骨碎但我今次完全冇食到任何骨。蘸少少薑蔥已經調起晒雞嘅鮮香味。好難得食到香滑冇骨嘅雞，我好鍾意。懶人之選元蹄唔算好肥，如果佢再俾多啲我，我會仲開心😂元蹄夠入味，肉質一咬就好易撕開，皮方面有少少口 。佢碟上附送嘅醬似結身版豉油，好鹹。油菜煮得剛好，唔生亦唔老。加埋蠔油好食過街邊麵檔。而且油菜唔算多油，就算老人家食都冇負擔。我今次係第一次食油飯，初時以為佢會好似菜飯咁多油，但黎到個時，只係有些少油飯，有啲係白飯，食落唔油膩。我腸胃麻麻，多油就好易唔舒服，所以對呢個油飯有好深刻印象，真係好味。湯係足料嘅青紅蘿蔔湯，唔算味精湯，湯底色都似自己煲湯個種，飲完唔會好口渴。座位就略嫌窄，繁忙時間都幾迫，幾