The BASE (Closed)

觀塘工廈cafe,餐廳愈開愈多，能夠站得住腳，唔係好多間，除左食物質素，環境，仲有係夠人氣，即係食評要夠多夠好。呢間餐廳睇食評一定win,但未去食，又點知食物質素同環境，既然朋友揀了，就試一次吧。睇menu時已經覺得怪怪地，寫明3-4人餐，但個份量係好少，然後加個餐湯又話要加錢，個set係要8xx!感覺有d搵笨，我地決定散叫!點知，幾個main既份量似前菜，仲要冇野飲冇湯冇甜品，接近300蚊一個main!如果係好食好高質素都算，但所謂澳洲和牛，一d都唔好食，仲要係得幾塊!另外有個係咩原隻魷魚釀意大利飯，嘩，真係嚇死，所謂原隻魷魚，細過我個手掌，仲要係入面包住意大利飯，下面果d係汁!呢個真係同小食冇分別，但$158!4個人，一人一個main，係完全唔夠飽，佢地既價錢係貴過k11，The One入面既餐廳!其實好多工廈cafe餐廳set到個價仲高過旺區shopping mall個價錢，我覺得唔係問題，如果質素係高的話! 但工廈環境本身都唔係好，租又一定平過出面shopping mall,其實如果食物質素咁差，憑咩收咁既價錢呢?唔係搵一堆blogger寫到天花龍鳳就吸引到客人，咁樣經營，客人